चंडी महरानी तोला मै सुमिरौ हां -पारंपरिक

चंडी महारानी तोला मैं सुमिरौ हां।

यहो तोला मैं सुमिरौ हां...

चंडी महारानी तोला मैं सुमिरौ हां।

यहो पान फूल गठियारी दुबी,लेके आयेव

नारियल 3

यहो रखबे दाई फूलवारी ला मोर मन के तैं

हरियर

यहो ताल सगुरिया आत जात ले,रस्ता ला

रखबे फरियर

येहो तोर सही कोनों नैईहे माता

तोला मैं सुमिरौ हां

चंडी महारानी तोला मैं सुमिरौ हां

हां चंडी महारानी तोला मैं सुमिरौ हां।

यहो दंडा शरण गिरे हो चरण में,अतकी दया

तैं करबे 3

यहो कंठ में मोर बिराज के दाई वाणी ला

सुघर करबे

यहो गुण गांहू मैं रातदिन तोर मोला वो वर

देबे

यहो रोज रुकाईहों मैं हर पानी

तोला मैं सुमिरौ हां

चंडी महारानी तोला मैं सुमिरौ हां

हां चंडी महारानी,तोला मैं सुमिरौं हां

यहो सुर नर मुनि तोर अस्तुति गावे,निशदिन

ध्यान लगाये 3

यहो तोर दुवारी में आके वो मैया,दुच्छा कोनो

नैई जाये

यहो निपुत्री के गोद भरे , अउ अंधरा हा

आंखी ला पाये

यहो होवय ना मैया काकरो हानी

तोला मैं सुमिरौं हां

चंडी महारानी तोला मैं सुमिरौं हां

हां चंडी महारानी तोही ला मैं सुमिरौं हां।

यहो सुरपुर के तैं रक्षा करें, महिषासुर ला मारे 3

यहो रुप तोर अनुप हे माता, धरती के भार

उतारें

यहो जय देवी जगदंबा भवानी,सेवुक मन हा

पुकारे

यहो नवदुर्गा जगदंबा भवानी

तोला मैं सुमिरौं हां

चंडी महारानी,तोला मैं सुमिरौं हां।

हां चंडी महारानी,तोला मैं सुमिरौं हां।