चुन चुन फूलवा मैं लाने हावंव ओ

मुखड़ा :

चुन-चुन फुलवा मैं लाने हांवव ओ,

भुवन ला दाई मैं सजाये हांवव ओ ॥2॥

ये नैना लहे ओ दाई, तोरे अगोरा ॥2॥

खेलत आना, कूदत आना, झुपत आना ओ,

बघवा मं चढ़ के दाई, मोरे जल्दी आना ओ ॥2॥

--

1️⃣ अंतरा :

गोबर लिपाये अंगना, तुलसी मैं लगाये हांव,

नव बाती दिया दाई, डेहरी तोर जलाये हांव ॥2॥

आउ कछु नइये दाई, तहीं मोर सहारा ॥2॥

खेलत आना, कूदत आना, झुपत आना ओ,

बघवा मं चढ़ के दाई, मोरे जल्दी आना ओ ॥2॥

चुन चुन फुलवा...

--

2️⃣ अंतरा :

मोंगरा फुलवा ला दाई, रद्दा मं बिछाये हांव,

रातरानी चिरइया फूल, झुलवा बनाये हांव ॥2॥

लइका मैं हंव नानें कुन, मोर महतारी बन आना ॥2॥

खेलत आना, कूदत आना, झुपत आना ओ,

बघवा मं चढ़ के दाई, मोरे जल्दी आना ओ ॥2॥

चुन चुन फुलवा...

--

3️⃣ अंतरा :

आजा ना दाई, मोर सुन के कलपना ला,

डार देना एक लोटा खुशी मोर झोली मं ॥2॥

मोरो अंगना मं दाई, चरण मढ़ाना ॥2॥

खेलत आना, कूदत आना, झुपत आना ओ,

बघवा मं चढ़ के दाई, मोरे जल्दी आना ओ ॥2॥

चुन चुन फुलवा...

--