धुर्रा खेंलन झन जाबे बाबू लंगुरे

मुखड़ा

धुर्रा खेलन झन जाबे बाबू लंगुरे,

धुर्रा में कंकड़ समाये हो मां,

हो मैया धुर्रा में कंकड़ समाये हो मां।

अंतरा:

1/सबो पारा जाईबे,किंजर फिर आईबे हो,

कुम्हरा पारा में झन जाबे हो मां 2

कुम्हरीन छोरी मदन मोहन कारी वो,

करसा में राखे हे लुभाय हो मां 2

2/सबो पारा जाईबे,किंजर फिर आईबे हो,

लोहारपारा में झन जाबे हो मां 2

लोहारिन छोरी मदन मोहन कारी वो,

खड़ग में राखे हे लुभाय हो मां 2

3/सबो पारा जाईबे ,किंजर फिर आईबे हो

कड़रापारा में झन जाबे हो मां 2

कड़ड़िन छोरी मदन मोहन कारी वो,

टुकनी में राखे हे लुभाय हो मां 2

4/सबो पारा जाईबे किंजर फिर आईबे हो,

मरारपारा में झन जाबे हो मां 2

मरारिन छोरी मदन मोहन कारी वो,

लिमुवा में राखे हे लुभाय हो मां 2

5/सबो पारा जाईबे किंजर फिर आईबे हो,

बनियापारा में झन जाबे हो मां 2

बनियन छोरी मदन मोहन कारी वो,

नारीयल में राखे हे लुभाय हो मां 2

6/सबो पारा जाईबे किंजर फिर आईबे हो,

दर्जीपारा में झन जाबे हो मां 2

दरजिन छोरी मदन मोहन कारी वो,

ध्वजा में राखे हे लुभाय हो मां 2

7/सबो पारा जाईबे,किंजर फिर आईबे ,

तेलीपारा में झन जाबे हो मां 2

तेलीन छोरी मदन मोहन कारी वो,

तेल में राखे हे लुभाय हो मां 2

हो मैया तेल में राखे हे लुभाय हो मां 2

8/सबों पारा जाईबे,किंजर फिर आईबे हो,

केंवटपारा में झन जाबे हो मां 2

केवटिन छोरी मदन मोहन कारी वो,

लाई में राखे हे लुभाय हो मां 2