कब तैंहा आबे वो दाई हमरो घर पहुना बनके

जसगीत-

कब तैं हा आबे वो दाई...

......

🎵 मुखड़ा (टेक)

कब तैंहा आबे वो दाई, हमरो घर पहुना बनके,

कब तैंहा आबे वो मैया, हमरो घर पहुना

बनके।

अंगना में ठाड़े हांवव, लोटा मा पानी धरके,

कब तैंहा आबे वो दाई, हमरो घर पहुना

बनके॥

--

🎶 अंतरा 1

आदि अंबा आदि कुंवारी, तोर महिमा हे

भारी हो मां,

तैं गौरी बन तहीं हा कारी, तहीं हा जग

महतारी हो मां।

जनम धरे तैं जगहितकारी, दुर्गा के अवतारी

हो मां,

सोहे माता सिंह सवारी, धर त्रिशूल तलवारे हो मां।

ये थारी सजाये हांवव, दिया मां बाती धरके,

कब तैंहा आबे वो दाई, हमरो घर पहुना

बनके॥

--

🎶 अंतरा 2

तोर नाव ले होये नवराति, जोत जले दिन

राती हो मां,

सेवा बजाये नवदिन राती, माता मूर्ति संवारे

हो मां।

गावत गुण ला फुलगे छाती, मिलथे मया

दुलारे हो मां,

ये हो नैना बिछाये हांवव, दाई तोर

सुरता करके,

कब तैंहा आबे वो दाई, हमरो घर पहुना

बनके॥

--

🎶 अंतरा 3

सतयुग में तोला मान मनाये, विष्णु गुण

गोहरायें हो मां,

अगर कपूर धूप जलाये, नवदिन नवमी जगाये हो मां।

जुग-जुग बर नेम धराये, आशिष ला

बरसाये हो मां,

ये अंगना लिपाये हांवव, माता तोर आशा

ला धरके,

कब तैंहा आबे वो दाई, हमरो घर पहुना

बनके॥

--

🔁 समापन (मुखड़ा दोहराव)

अंगना में ठाड़े हांवव, लोटा मा पानी धरके,

कब तैंहा आबे वो दाई, हमरो घर पहुना

बनके,

कब तैंहा आबे वो मैया, हमरो घर पहुना

बनके॥

--