इस लिरिक्स का आनंद ले हमारे मोबाइल एप्प के साथ!
मोहनी मुरतिया – देवी दुर्गा जसगीत
🎵 मुखड़ा :
मोहनी मुरतिया हे तोर मोर देवी दुर्गा,
मोहनी मुरतिया हे तोर।
बघवा के तोर सवारी, शक्ति के हस
अवतारी,
मया के बांधे हावस डोर…
मोर देवी दुर्गा मोहनी मुरतिया हे तोर॥
━━━━━━━━━━━━━━━
पद 1 :
माथ मकुटिया सोने के दाई, चमचम चमचम
चमके वो।
गल मा रुपिया सुतिया पहिने, लकलक
लकलक दमके वो।
काने मा झुले बाली, रुप दिखे मनुहारी…
चंदा कस टिकली अंजोर…
मोर देवी दुर्गा मोहनी मुरतिया हे तोर॥
मोहनी मुरतिया हे तोर...
━━━━━━━━━━━━━━━
पद 2 :
हरियर हरियर हाथ के चुड़ी, खनखन
खनखन बाजे वो।
कनिहा मा करधन दस लार के, शोभा बरनी
न जाये वो।
आठो अंगरी मा मुदरी, ओढ़े लाली के
चुनरी…
लुगरा हा मारथे हिलोर…
मोर देवी दुर्गा मोहनी मुरतिया हे तोर॥
मोहनी मुरतिया हे तोर...
━━━━━━━━━━━━━━━
पद 3 :
पांव मा साटी चुटकी बिझिया, लाली महुर
लगाये वो।
करके सोला शृंगार सुघर, जगदंबा ला
सजाये वो।
देवता मन फुल बरसाये, माता के गुण
ला गाये…
बैठे बैरागी हाथ जोड़…
मोर देवी दुर्गा मोहनी मुरतिया हे तोर॥
मोहनी मुरतिया हे तोर...
━━━━━━━━━━━━━━━
समापन :
बघवा के तोर सवारी, शक्ति के हस
अवतारी,
मया के बांधे हावस डोर…
मोर देवी दुर्गा मोहनी मुरतिया हे तोर॥
मोहनी मुरतिया हे तोर मोर देवी दुर्गा,
मोहनी मुरतिया हे तोर॥
--
✍ लेखक: बैरागी
🎤 प्रस्तुतकर्ता: BOL KALIYA बोल कालिया
हमारे मोबाइल ऐप के साथ छत्तीसगढ़ी लिरिक्स का आनंद लें
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics
