तै आंसू बोहाये वो तै आंसू बोहाये ना-ममता देशमुख

🎶 मुखड़ा :

तै आंसू बोहाये वो, तै आंसू बोहाये ना

नवदिन रतिहा दाई, आंसू बोहाये ना ॥2॥

🎶 अंतरा 1 :

तहिया जुग म दुर्गम दानव, ब्रम्हा के

वरदानी गा

चारो वेद ल बोरे बैरी, गरबे गंज गुमानी गा

धरम धरा ले बूड़गे, सुखागे,नदी नरवा के

पानी गा

अन पानी बिन चिहुर परगे, कलपे सगरो

परानी गा

✨ उड़ान :

देवता ल सताये ओ, धर्मी ल रोवाये ना ॥2॥

नवदिन रतिहा दाई, आंसू बोहाये ना ॥

🎶 अंतरा 2 :

शुंभ निशुंभ महिषासुर,दानव रक्तबीज

संघारे ओ

दुर्गम दानव ले तोर बिन दाई, हमला कोन

उबारे ओ

अर्जी म अइसे आदि अम्बिका, परमे श्री

सिधारे ओ

दग-दग ले दमके महामाया हा, नव-नव नयन

उचारे ओ

✨ उड़ान :

दाई ल गोहारे ओ, माता ल मनाये ना ॥2॥

नवदिन रतिहा दाई, आंसू बोहाये ना ॥

🎶 अंतरा 3 :

माता के आंसू म सब,नदी नरवा भर जाये गा

जीवन पाये सगरो परानी, सुर नर नाग

हिताये गा

माथ नवाये महामाया ल, विपदा ल बताये गा

अभय पाये देवता धामी, अपन अपन डीही

जाये गा

✨ उड़ान :

आंसू ल बोहाये ओ, जग ल हरियाये ना ॥2॥

नवदिन रतिहा दाई, आंसू बोहाये ना ॥

🎶 अंतरा 4 :

देवता मन के लाज रखे बर, किरपा करे

किरपानी गा

अपन तेज के नयन ले घेरे, सुरपुर दिन

दयाली गा

बैरी बर उमियाये सहूये, माता शेरा वाली गा

अगम अंग ले प्रगटे तुरते, दसविद्या विकराली

गा

✨ उड़ान :

बघवा में आये ओ, तै लाज बचाले ना ॥2॥

नवदिन रतिहा दाई, आंसू बोहाये ना ॥

🎶 अंतरा 5 :

माथ म चन्दर मुकुट सोहे, सिरजे शक्ति

भारी गा

भूतवा मन के भर भस टोड़े, क्षीण म उन

अवतारी गा

तिरसुल म दुर्गम ल मारे, महामाया महतारी

गा

श्री दुर्गा के नाव उचारे, तभे सकल संसारी गा

✨ उड़ान :

ममता जस गाये ओ, परमा ल मनाये ना ॥2॥

नवदिन रतिहा दाई, आंसू बोहाये ना ॥