फूल हासन लागे वो दारी बगिया झूमर गे
फूल हासन लागे वो दारी
बगिया झूमर गे
बगिया मा जब चले आये सजनी मोरे
मन के मिलौनी मोरे
हरियर आमा रे घन मउरे
तोरे पिरित के रंग मा
अइसन रंगे हावौ
सपना के सुरता दिन मे
आथे सजन मोरे
हाय रे बलम मोरे
हरियर आमा रे डार मउरे
माथे लगाहु तोरे चंदा टिकुलिया
अंजुरी चंदैनी भराये
अंजुरी चंदैनी धनी उड़ी उड़ी जइहै
चंदा मा दागी लगी जाये
एक मोला दइबे धनी
मांग भर सिंदुर ला
चुरी अमर रही जावै सजन मोरे
हाये रे बलम मोरे
हरियर आमा रे डार मउरे
फूलहासन लागे ओ दारी बगिया झुमर गे
बगिया मा जब चले आये सजनी मोरे
मन के मिलौनी मोरे
हरियर आमा रे घन मउरे
जुर मिल बनाबो चलो रंग महलिया
पिरित के दियना जलाये
दियना बरौनी सइया का मोला दइबे
जलदी तो देबे बताय
दियना बरौनी सइया का मोला देबे
जलदी तै देबे बताय सजन मोरे
हाय रे बलम मोरे
हरियर आमा रे डार मउरे
फूलहासन लागे ओ दारी बगिया झुमर गे
बगिया मा जब चले आये सजनी मोरे
मन के मिलौनी मोरे हरियर आमा रे घन मउरे
✍ लेखक: -
🎤 प्रस्तुतकर्ता: -
